మే 29న కొత్త నావిగేషన్ ఉపగ్రహ ప్రయోగం

పాత నావిగేషన్ ఉపగ్రహం స్థానంలో కొత్త నావిగేషన్ ఉపగ్రహాన్ని (NVS-01 నావిగేషన్ శాటిలైట్-01)  జి.ఎస్.ఎల్.వి రాకెట్  ద్వారా కక్ష్యలోకి పంపేందుకు ఇస్రో సన్నాహాలు చేస్తోంది.  మే 29న ఈ ప్రయోగం నిర్వహించడానికి శ్రీహరికోటలో ముమ్మరంగ పనులు సాగుతున్నాయి. ప్రయోగాన్ని ధృవీకరిస్తూ, ఇస్రో సీనియర్ అధికారి ఒకరు మాట్లాడుతూ, ఏప్రిల్ 28, 2016న ప్రయోగింపబడిన IRNSS-1G ఉపగ్రహ స్థానంలో NVS-01 పని చేస్తుందని చెప్పారు. అధునాతన సాంకేతికతలు మరియు సామర్థ్యాలను కలిగియున్న NVS-01 ఉపగ్రహం 12 సంవత్సరాల పాటు పని చేసేలా రూపొందించారు.  

దేశం యొక్క “స్థానీకరణ, నావిగేషన్ మరియు సమయ” అవసరాలను తీర్చడానికి, నావిగేషన్ విత్ ఇండియన్ కాన్‌స్టెలేషన్ (నావిక్ - NavIC) అని పిలువబడే ప్రాంతీయ నావిగేషన్ శాటిలైట్ సిస్టమ్ ను ఇస్రో స్థాపించింది. గతంలో దీనిని ఇండియన్ రీజినల్ నావిగేషన్ శాటిలైట్ సిస్టమ్ (IRNSS) అని పిలిచేవారు. దేశీయంగా అభివృద్ధి పరచిన ఏడు ఉపగ్రహాల సమూపహం - నావిక్ సిస్టమ్‌ను దేశ నావిగేషన్ అవసరాలకు నిరంతరం అందుబాటులో  ఉంచడమే  ఇసో లక్ష్యం. ప్రస్తుతం, నావిక్ రెండు రకాల సేవలను అందిస్తుంది - పౌర ప్రయోజనం కోసం స్టాండర్డ్ పొజిషన్ సర్వీస్ మరియు భద్రతా దళాల వంటి వ్యూహాత్మక వినియోగదారుల కోసం పరిమితం చేయబడిన సేవ. 

ఏడు ఉపగ్రహాలు, మరియు అహర్నిశలు పనిచేసే గ్రౌండ్ స్టేషన్ల నెట్‌వర్క్‌తో నావిక్ వ్యవస్థ రూపొందించబడింది. ఈ సముదాయంలోని మూడు ఉపగ్రహాలు భూస్థిర కక్ష్యలో మరియు నాలుగు వంపుతిరిగిన (invlined) జియోసింక్రోనస్ కక్ష్యలో ఉంచబడ్డాయి. నావిక్ యొక్క ఏడు ఉపగ్రహాల సమూహంలో IRNSS-1G ఏడవది. దీనికన్నా ముందు, IRNSS-1A, 1B, 1C, 1D, 1E మరియు 1F ఉపగ్రహాలు ప్రయోగించబడ్డాయి. సమస్థ భారతదేశం మరియు దేశ సరిహద్దుకు ఆవల 1,500 కి.మీ. వరకూ నావిక్ కవరేజీ ఉంటుంది. వినియోగదారుని యొక్క స్థాన ఖచ్చితత్వాన్ని 20 మీ. కంటే మెరుగ్గా మరియు సమయ ఖచ్చితత్వాన్ని 50 నానో సెకన్ల కంటే మెరుగ్గా అందించడానికి నావిక్  సిగ్నల్స్  రూపొందించబడ్డాయి. అమెరికన్ జీపియెస్, రష్యన్ గ్లావ్ నాస్, యూరోప్ యొక్క గెలీలియో  మరియు చైనా యొక్క బీడౌ వంటి ఇతర గ్లోబల్ నావిగేషన్ శాటిలైట్ సిస్టమ్ (GNSS) సిగ్నల్‌లతో నావిక్ ఎస్పిఎస్ సిగ్నల్స్ పరస్పరం పనిచేయగలవు.

నావిగేషన్ సేవా అవసరాల కోసం, ప్రత్యేకించి 'వ్యూహాత్మక రంగాల' కోసం విదేశీ ఉపగ్రహ వ్యవస్థలపై ఆధారపడటాన్ని ఆపే లక్ష్యంతో నావిక్ రూపొందించబడింది. జీపియెస్ వంటి వ్యవస్థలపై ఆధారపడటం ఎల్లప్పుడూ నమ్మదగినది కాకపోవచ్చు, ఎందుకంటే అవి ఆయా దేశాల రక్షణ ఏజెన్సీలచే నిర్వహించబడుతున్నాయి.  కార్గిల్ యుద్ధ సమయంలో జరిగిన వివిధ కారణాల వల్ల ఈ నావిగేషన్ సేవలు లేదా వాటి డేటాను భారతదేశానికి తిరస్కరించే అవకాశం ఉంది. అలాగే, స్వదేశీ నావిక్ ఆధారిత సేవలను అభివృద్ధి చేయడంలో నిమగ్నమై ఉన్న దేశీయ  పారిశ్రామిక రంగాన్ని ప్రోత్సహించడానికి మోడీ ప్రభుత్వం తన మంత్రిత్వ శాఖలను ప్రోత్సహించాలనుకుంటోంది.