గగన్‌యాన్ రీ-ఎంట్రీ క్యాప్సూల్ కొరకు దేశీయంగా పారాచూట్ల అభివృద్ధి

మే 14, 2023: భారత దేశ  గగన్‌యాన్ కార్యక్రమం కింద ముగ్గురు వ్యోమగాములను భూ సమీప కక్ష్య లోకి తీసుకెళ్లే క్యాప్సూల్ సురక్షితంగా తిరిగి రావడానికి అవసరమైన పారాచూట్‌లను, ఆగ్రా లో డిఫెన్స్ రీసెర్చ్ అండ్ డెవలప్‌మెంట్ ఆర్గనైజేషన్ (DRDO) ఆధ్వర్యంలోని పనిచేస్తున్న  ఏరియల్ డెలివరీ రీసెర్చ్ అండ్ డెవలప్‌మెంట్ ఎస్టాబ్లిష్‌మెంట్ (ADRDE) ప్రయోగశాల అభివృద్ధి చేసింది. దేశీయంగా అభివృద్ధి చేసిన ఈ పారాచూట్‌లపై  జూలైలో బెంగళూరులోని ఇస్రో శాటిలైట్ ఇంటిగ్రేషన్ మరియు టెస్టింగ్ ఎస్టాబ్లిష్‌మెంట్‌లో  కీలక  పరీక్షలు నిర్వహిస్తారు.

మే 13, 2023 (శనివారం), పారాచూట్ల  యూనిట్ ను ADRDE నుండి పంపారు. ఇది  శాటిలైట్ ఇంటిగ్రేషన్ మరియు టెస్టింగ్ ఎస్టాబ్లిష్‌మెంట్‌కు చేరుకుంటుంది .

పారాచూట్ల  యూనిట్ పై తొలి  పరీక్ష  ఈ సంవత్సరం జూలైలో జరిగే అవకాశం ఉంది. అటువంటి రెండు పరీక్షలు విజయవంతం అయిన తర్వాత మాత్రమే మొదటి మానవరహిత మిషన్ ను నిర్వహిస్తారని ADRDE ఒక ప్రకటనలో తెలిపింది. టెస్ట్ వెహికల్ డెమోన్‌స్ట్రేషన్ (TVD-1) ఫ్లైట్ దేశం యొక్క ప్రతిష్టాత్మకమైన గగన్‌యాన్ కార్యక్రమాన్ని సాకారం చేయడంలో ఒక ముఖ్యమైన మైలురాయి అని పేర్కొంది.

పారాచూట్ కాన్ఫిగరేషన్ 10 పారాచూట్‌లను కలిగి ఉంటుంది. ఫ్లైట్ సమయంలో సీక్వెన్స్, అపెక్స్ కవర్ సెపరేషన్ పారాచూట్ యొక్క రెండు పారాచూట్‌ల విస్తరణతో ప్రారంభమవుతుంది. ఇది సిబ్బంది మాడ్యూల్ పారాచూట్ కంపార్ట్‌మెంట్‌కు రక్షణ కవచం, ఆ తర్వాత వేగాన్ని స్థిరీకరించడానికి మరియు తగ్గించడానికి మరో రెండు 'డ్రోగ్ పారాచూట్ డిప్లాయ్‌మెంట్' ఉంటుంది. డ్రోగ్ పారాచూట్ విడుదలైన తర్వాత, 'పైలట్ పారాచూట్' వ్యవస్థ యొక్క మూడు పారాచూట్‌లు, 'ప్రధాన పారాచూట్' యొక్క మూడు పారాచూట్‌లు ఒక్కొక్కటిగా,   భూమిపైకి చేరే సమయంలో సిబ్బంది మాడ్యూల్ యొక్క వేగాన్ని సురక్షిత స్థాయికి తగ్గించడానికి ఉపయోగించబడతాయి. ప్రతి పారాచూట్ పనితీరును సంక్లిష్టమైన పరీక్షా పద్ధతుల ద్వారా తప్పనిసరిగా పరిశీలించాలని  ADRDE తెలిపింది.

క్రూ మాడ్యూల్