మే 11, 2023: మహేంద్రగిరిలోని ఇస్రో ప్రొపల్షన్ కాంప్లెక్స్ (IPRC)లో కొత్తగా ప్రారంభించబడిన సెమిక్రోజెనిక్ ఇంటిగ్రేటెడ్ ఇంజిన్ & స్టేజ్ టెస్ట్ ఫెసిలిటీలో 2000kN సెమిక్రోజెనిక్ ఇంజిన్ యొక్క ఇంటర్మీడియట్ కాన్ఫిగరేషన్‌పై మొదటి ఇంటిగ్రేటెడ్ టెస్ట్‌ను బుధవారం నాడు ఇస్రో విజయవంతంగా నిర్వహించింది. స్థిర పరీక్షా సదుపాయం (test facility) మరియు పవర్ హెడ్ టెస్ట్ చక్కని పనితీరును ప్రదర్శించాయి.
పవర్ హెడ్ టెస్ట్ ఆర్టికల్ (PHTA)గా పేర్కొనబడిన ఇంటర్మీడియట్ కాన్ఫిగరేషన్, థ్రస్ట్ ఛాంబర్ మినహా అన్ని ఇంజిన్ సిస్టమ్‌లను కలిగి ఉంటుంది. తక్కువ-పీడన మరియు అధిక-పీడన టర్బో-పంప్‌లు, గ్యాస్ జనరేటర్ మరియు నియంత్రణ భాగాలతో సహా ప్రొపెల్లెంట్ ఫీడ్ సిస్టమ్ రూపకల్పనను ధృవీకరించడానికి ఉద్దేశించబడిన స్థిర పరీక్షల శ్రేణిలో ఈ పరీక్ష మొదటిది.
ఇస్రో యొక్క లిక్విడ్ ప్రొపల్షన్ సిస్టమ్స్ సెంటర్ (LPSC) భారతీయ పరిశ్రమ భాగస్వామ్యంతో 2000 kN థ్రస్ట్‌తో సెమిక్రియోజెనిక్ ఇంజిన్ రూపకల్పన & అభివృద్ధిని చేపట్టింది. భవిష్యత్తులో ప్రయోగ వాహనాల బూస్టర్ దశలలో ఈ ఇంజన్లను ఉపయోగిస్తారు. లిక్విడ్ ఆక్సిజన్ (LOX)-కిరోసిన్ ప్రొపెల్లెంట్ కాంబినేషన్‌పై ఈ ఇంజన్ పని చేస్తుంది.
మే 10, 2023న జరిగిన ఈ స్థిర పరీక్ష దాదాపు 15 గంటల వ్యవధిలో సంక్లిష్టమైన చిల్-డౌన్ ఆపరేషన్‌లను ప్రదర్శించింది. విజయవంతంగా నిర్వహించబడిన ఈ పరిక్షలో ఇంజిన్ పని చేయడానికి అవసరమైన అన్ని సబ్ సిస్టంస్ చక్కగా పని చేశాయి. LOX సర్క్యూట్ యొక్క చిల్ డౌన్ తర్వాత, కిరోసిన్ యొక్క ఫీడ్ సర్క్యూట్ నింపబడింది. తరువాత ఇంజెక్షన్ వాల్వ్ తెరవడం ద్వారా గ్యాస్ జనరేటర్ లోకి LOX ప్రవేశించింది. విజయవంతమైన ఈ పరీక్ష తదుపరి పరీక్షల కోసం ఆపరేషన్ల క్రమాన్ని పొందడంలో సహాయపడుతుంది.
అత్యాధునిక PLC-ఆధారిత నియంత్రణ వ్యవస్థ మరియు డేటా సేకరణ వ్యవస్థతో మహేంద్రగిరిలో కొత్తగా ఏర్పాటు చేయబడిన స్థిర పరీక్షా సదుపాయం (test facility), 2600 kN థ్రస్ట్ వరకు సెమీ క్రయోజెనిక్ ఇంజిన్‌లను పరీక్షించగల సామర్థ్యాన్ని కలిగి ఉంది. పూర్తిగా ఏకీకృత సెమీ క్రయోజెనిక్ ఇంజిన్ మరియు స్టేజ్ ని కూడా ఈ స్థిర పరీక్షా సదుపాయం లోనే పరీక్షించ వచ్చు.
No comments:
Post a Comment